Jæja nú hafa litið dagsins ljós þrír yndislegir hvolpar. Tvær svartar tíkur og einn fawn rakki.
Þau dafna öll vel öll komin yfir 200 gr. Pálína ætlar að verða góð mamma og mjólkar vel.
Hún víkur ekki frá þeim.
Þeir eru viku gamlir í dag og allt hefur gengið vel með þá.

Ekki er ég nú sú duglegasta að blogga, en reyni nú að bæta úr því. Nú er búið að para Pálínu og bíðum við spennt eftir því hvort hún sé hvolpafull.
Annars er sumarið búið að vera frábært hundarnir búnir að fíla sig vel í Þjórsárdalnum, þar sem við erum eiginlega búin að eiga heima í allt sumar.
Nú styttist í sýningu hjá Rex, og er undirbúningur fyrir hana að hefjast. Það er alltaf spenningur fyrir sýningarnar :)